講述者：林坤山    採錄者：江淑珍、陳素主    整理者：陳素主    採錄時間：2001-5月    採錄地點：苑裡鎮鎮公所    採錄地點校訂：無誤          補充說明：位於苗栗縣苑裡鎮客庄里信義路1號    地圖座標：X 120.6529   Y 24.43966    地理位置精確度：9

這十八好漢兄的原因就是安呢，伊就是將……將咱一寡較早彼个……伊遮有一个塚仔呼，一个有應公仔呼，啊逐个就講彼十八好漢兄，啊這个十八〔義民廟〕今也是去予……彼陣仔救彼个……通宵番造反，啊伊來救的時陣，彼的死的人、的客人十八个，已經提去佇八卦山，有一个十八个〔義民塚〕呼。啊所以講，今也麼是〔穿鑿附會〕講彼是十八好漢兄。 〔那麼這裡面就有人講〕，這十八好漢兄的〔形成〕譬如講車埕呼，咱通宵車埕就芎蕉坑彼的車埕，啊彼个十八好漢兄伊就是安若講？一種人的講法就是講，較早是……彼較毋攏是有一種號做山路，彼个山的路，山的路就是啥物路？咱〔挑鹽步道〕就咱家己〔用步行〕的〔道路〕。佇e0蕉埔大湳坑呼，啊有一欉這个號做「染染目子樹腳，啊吊有八粒人頭，啊講一个人對彼過，啊一个人對彼過就是講，哦～煞振動，啊就將彼八粒人頭共擔，啊擔講，就直直行，行到佗位就干若講有人得共〔指導〕，啊到彼位振動，講跋卜共埋住彼，煞共埋住彼。應該講是八粒爾爾。 啊有的人講是啥物咧？咱這个平地啦，這个、這个、咱平地去山區，去共斬柴，去予彼爿，就客人河洛拼的時陣，河洛人去、去予客人刣去。 啊有的是講日本人來，一寡義勇合伊佇彼相刣，啊去予刣死。 啊有的人就講是往過仔這个號做、這个較早，這个古早的這號番仔，啊佇彼合人相刣，去予人刣死。 所以這的講法攏無仝款。

十八好漢兄的故事 標題為整理者暫擬。 一寡 音cit8 kua2，一些。 較早 音khah4 ca2，從前、早期。 彼个 音hit4 e5，那個。 遮 音cia1，這裡。 塚仔 音thiong2 a2，墳塚。 呼 音honn3，可當語氣詞或語尾詞。 有應公仔 指無主孤魂。 逐个 音tak8 e5，每個、每一個。 〔義民廟〕 講述者以國語講出者，以〔　〕表示。 今也 音cim2 a2，現在。 予 音hoo7，被……。 彼的 音hia1 e0，那些。 客人 客家人。 提 音theh8，拿。 佇 音ti7，在。 麼是 音ma7 si7，也是。 彼的 音hia1 e5，那裡的。 安若 音an2 nua2，怎樣。 啥物 音siann2 mih4，什麼。 家己 音ka1 ki7，自己。 染目子樹 講述者也不知道是怎麼寫，整理者依音暫擬字。 對 音ui3，從……。 煞 音suah4，竟然。 振動 音bue7 tin2 tang7，不能動彈。 擔 音tann1，挑。 佗位 連音讀「tue9」，那裡。 得 音leh4或teh4，在，其後多接動詞。 跋 音puah8 pue1，擲筊以請示之。 卜 音beh4，要。 埋 音tai5，埋葬。 住 音tua3。 爾爾 音nia7 nia7，而已。 彼爿 音hit4 pieng5，那邊。 拼 音piann3，指械鬥。 刣 音thai5，殺害。 往過仔 音ieng2 ke3 a2，從前。 這號 音cit4 lo7，這個、這種，為指示代名詞。 番仔 指山地原住民。 合 音kah4，和。 予人 連音讀「hong9」，被人……。 這的 音cia1 e0，這些。 仝款 音kang7 khuan2，同樣、一樣。