講述者：蔡長春    採錄者：吳素枝、郭慶汎    整理者：陳素主    採錄時間：20001223    採錄地點：龜山鄉（講述者家中）    採錄地點校訂：無誤          補充說明：無    地圖座標：X 121.3377   Y 24.99255    地理位置精確度：4

囝仔得看牛，啊今也看去彼抵好一个古井穴，彼靈穴。擱較透風落雨，去到彼伊干單穿一領衫安呢，攏澹，雨沃亦著，抵好去屈佇e0靈窟仔。彼地理先想講：「he9～那會呰奇怪？！來到遮就應該就著，那會猶擱尋無？！」啊伊就屈彼底伊那尋那有？！ 到彼一工，毋知十幾歲抑是十捅歲，伊叫老父老母呼，講伊七七四十九工，伊若死，「你共我白白共我橐彼穴仔就好。到一百工在內，一百工呼，你才共我挖起來。」毋知到幾工爾爾，五王就抵好來尋地理啊。鯤鯓五王，大陸做水呀淹水cuann9對彼港入來，入來講：「哈！佇遮啦！」啊就落來得，卜落來得呢！彼較早得起廟攏大陸杉運過來啊，講：「就佇遮啦，終點佇遮啦，咱五王得尋無，就是佇遮啦！」啊煞予這个囝仔得去，人埋落啊呢！埋落啊卜安若？五王卜共毀，毀行，伊有陰兵陰將調足濟，天兵天將麼含伊托，托贏伊啊！托！予伊……共掘起來，戰甲che7一爿，五王拮贏伊，囝仔君戰甲che7一，毋才改名「萬善爺公」。彼陣仔吳三王予拮一目契去，五王就吳三王尚飽，阮服侍彼是朱王，朱王就較文，用頭腦。五王就李、池、吳、朱、范彼五个。啊就彼含伊拮，拮到安呢，honn9～pin3若暗就安呢鑼聲、馬聲安呢，對面彼的庄頭逐位攏有，逐位庄頭攏……尾仔觀音觀落共講和，伊講大廟予伊住，「你逮我遊縣，逮我遊縣；遊府逮我食府。」五王共牽起來。

囝仔公 標題為整理者暫擬。囝仔公，音gin2 a2 kong1，民間對於小孩死而成神靈者、鬼雲者，習慣稱之為「囝仔公」，「公」有尊敬之意。 得 音teh4，在……，其後多接動詞。 今也 音cim2 a2，現在。 彼 音hia1，那裏。 抵好 音tu2 ho2，剛好。 擱較 音koh4 khah4，再怎麼樣。 干單 音kan2 tann7或kan2 na7，只有。 領 音nia2，件。衣物、被子的單位詞。 安呢 音an2 ne1，這樣。 音be7或bue7，不會。 澹 音tam5，濕。 沃 音ak4，淋、澆。 亦 音ah8，也。 屈 音khut4，彎曲身體。 佇e0 音ti7 e0，在。 地理先 風水師父。 那會 音na2 e7，怎麼會。 呰 音ciah4，這麼。 遮 音cia1，這裏。 就著 音tioh8 tioh8，就對了。 猶擱 音iu5 koh4，還是、再、又。 尋 音che7，找尋。 抑是 音ah8 si7，或是。 捅 音thong2，伸，多出來的意思。 橐 音lok4，塞、放。 音tam3，在。 爾爾 音nia5 nia5，而已。 鯤鯓 指台南的南鯤鯓。 五王 指南鯤鯓的五位王爺，分別是李王、池王、吳王、朱王、范王。 cuann9 就這樣。 彼 音hit4 cua7，那一條。 得 音tit4，得到。 煞 音suah4，竟然。 埋 音tai5。 卜安若 音beh4 an2 nua2，要怎麼辦。 毀行 音hue2 be7 kiann5，毀不了、毀不動。 足濟 音ciok4 ce7，很多。 麼 音ma7，也。 含 音ham5，和。 托 音thuh4，戳。 掘 音kut8。 che7一爿 音che7 cit8 pieng5，斜一邊。 拮 音kiat4，在此指打、打架。 契 音kheh4，眼睛閉起來，在此指瞎掉。 尚飽 音siong7 pa2，指其武功最高強。尚，最。 服侍 音hok8 sai7，供奉、侍奉。 pin3 每一次、每到、每每。 彼的 音hia1 e0，那些。 逐位 音tak8 ui7，每個地方。 講和 音kong2 ho5，言和。 逮 音tue3，跟隨。