這碗豆腐湯的故事是發生是佇台南府城，台南府城是發生佇咧李府，李家。啊～伊這李員外 呼，伊是有夠好額，好額會齷促啦，啊擱咱彼號官做成大，啊彼號三頓攏食的是山珍海味，啊娶某是大某細姨，啊厝內差 用兒，啊干仔無得煩惱啥，煩惱講伊娶大某細姨子生成濟，煩惱講驚伊的官位呼，下一代接 著，干仔煩惱安呢。啊想講卜想啥辦法，想講來請一个教師，啊就去國外尋，去到菲律賓尋一个老師，老師姓張，張老師。伊尋著伊就三頓攏一碗豆腐湯。啊這个老師、張老師講：「這碗豆腐湯我別位食呼，無呰好食，口味麼無呰好。啊伊這李員外兜的豆腐湯呰好食，逐頓我就共食予空空。啊來予伊來做的教師呼，來有一階段，時間有一階段囉，啊我就出來咱這號、這府城呼，四周圍來出來呼，共伊看一下這个，熟似一下這个地頭，呼。」
啊這地頭伊那行就那遠。啊七行八行行到台南赤崁樓彼廚房的邊仔，彼廚房的邊仔干仔聽著彼鴨 鴨 仔的聲得喝救，鴨仔的聲得喝救講：「哎喲！哎喲！摃槌仔摃，敲一下，鴨仔就無得哭，企住彼聽聽聽到干仔差不多有三、四十隻的聲得喝救安呢。啊伊就轉，來，轉來下昏轉來這李家呼，煞睏，想講這鴨仔呼，安呢生仔毋知安怎那會安呢哀到啊就恬去。下昏睏，明仔載天光，擱共彼的，李員外彼的子教冊，教教e3時間外就擱去，好奇無來看一下到底這鴨仔得喝救是啥原因安呢。
啊去，這an5 a2是彼時間去，伊擱得哀囉，伊擱得喝救。伊就共伊入去，入去廚房內底，去看著彼總庖師舉一个摃槌仔，啊一手掠鴨仔，鴨仔擱得哀，伊就共摃一下頭殼伊就恬去，就死去。啊摃，頭殼共摃破，舉一支湯匙仔得汲彼粒髓，汲得碗頭仔。啊伊就問彼總庖師講：「總庖師！你汲這鴨仔的髓啥物貨用途？」呼。啊伊講：「這粒髓就是李員外呼，一日來吩咐四十粒鴨仔髓。」啊伊講：「鴨身咧？」伊講：「歸隻攏買去啊！啊這身伊無卜用，伊干仔用這粒鴨仔髓。」啊伊講：「伊用這四十隻鴨仔髓是啥？提倒是安怎用處？」伊講：「伊倩一个老師呼，去菲律賓倩的哦，伊有夠歡喜，啊就是這四十粒鴨仔髓，去 豆腐，啊講食了成合嘴，伊感覺成歡喜安呢。啊就是這个逐三頓講老師共食了了，伊這感覺成歡喜。」這个老師家己心裏想啊，講：「哦～，安呢我是罪過啊，我一日害死四十條的靈魂，我今仔日是罪過，我到今仔日起，我這的豆腐湯無愛共食。」
這總庖師這碗鴨髓捧咧就對李員外兜去，這个老師、張老師等咧就轉去，轉去講，共總庖師講：「總庖師！我到今仔日起呼，我這豆腐湯無愛食囉。」伊講：「啥物原因？」伊講：「無啥原因，我食了得 ，我卜換。」伊講：「啊這魚魚肉肉我亦無愛食。」「抑無你卜食啥你講。」「我干仔卜來食菜。」啊伊講：「湯咧？湯我麼有卜創菜湯。」「你三頓創菜合菜湯予我食，啊魚、山珍海味這今仔日起我無愛食。」
啊豆腐湯的故事到遮結束。 |
差 用兒 音che1 kan2 ieng7 ji5，差遣僕人。 接 著 接續不上。 著，音bue 7 tioh 8。 那行就那遠 越走越遠。那，音na2；行，音kiann5。 |