作品所在位置: 台中縣 梧棲鎮 文體:民間故事
  語言:閩南話
 

《邱罔舍合白賊七》


以前,有一邱罔舍,啊一个白賊七仔,啊這个白賊七仔是攏全騙人,騙人安爾。有一次這个邱罔舍伊是這好額人若干若講較少爺,少爺子彼款的呼,安呢若干若講對這金錢較無寶惜啦,呼。

啊有一伊就去這白賊七仔因彳亍安呢啦。哦~啊去彳亍的時啊,看著這个白賊七仔呼,若干若講穿一領彼衫呼,大領啦。伊就是安怎,白賊七仔呼,較貧惰討趁啦,啊這冬天的時啊呼,人這舖棉毋通穿,伊去這樹仔葉,拾拾來呼,啊這舊衫二領來做一領。這衫呼,這樹仔葉呼,若干若舖中央,啊才擱用一領衫安呢共蓋落去,啊才來共綻偎去,呼。哦~啊這个罔舍看著伊安呢佇彼笑笑,伊才講:「七仔!七仔!你彼領衫是啥物貨安呢呼,那會安呢我生目睭我麼毋捌看著安呢衫赫膨赫大領。」伊講:「我這領寶衣啊!我這領呼,寒人穿了會燒,熱人穿了會涼,呼,會涼安呢呼。」哦~啊伊講:「你這寶衣你那會有這領?」伊講:「有啊!祖公呼,阮彼祖公的時,較早得做官啊,啊這就是西遼啊呼,進貢禮伊啊。」伊講:「啊你這領毋來賣我?呼寶衣就來賣我咧。」伊講:「我甘賣!我這、這無這過這寒冬啊呼,無彼號的時,落凍霜啊,我毋就去寒死。」伊講:「啊我、你寶衣賣我,啊你才擱去、錢予你,啊你才擱去買啊。」呼,啊伊就講:「抑無好啊,看你會出咧偌濟,我就賣你啊。」哦~啊伊講:「啊一百兩銀會傷少?」伊講:「啊~有較少一屑仔,卜加淡薄仔毋才較好。」伊講:「抑無加二十兩予你啦。」呼,百二兩銀啦,哇~啊伊就成實卜你知?卜的時啊,彼、這是uan5 a2一个騙局的啦。

第二,擱去安呢啦呼,擱第二次這个,邱罔舍擱厝彼啦。哇~啊彼一寡彼的金錢以前共予去彼的錢,差不多卜了去啊,開卜了。啊開卜了的時,一寡彼號鼎仔,雙耳鼎仔呼,吊inn5仔角枝。「奇怪!你這那會吊彼腳鼎吊住彼安呢啦,是得啥?」伊講:「啊你若卜煮安呢那有方便?」伊講:「有啊!我這腳寶鼎啊!」呼,伊講:「我這口是寶鼎啦!」呼,伊講:「那啥物寶鼎?」伊講:「這腳鼎呼,就是阮祖公較早得做統兵馬大元帥呼,統兵馬大元帥。」伊講:「千軍萬馬呼,千軍的時啊,攏卜食這口鼎咧,抑無彼兵士赫濟,那有法度通彼號、通煮予食?無靠寶鼎來煮飯,那會使e3安呢。」伊講:「啊你彼寶鼎是啥物好用?」伊講:「我這肉、菜呼,你若洗予便,呼,啊才安呢經過這个鼎,經過,啊彼煎匙啦呼,安呢撓咧安呢,撓二、三下a3,安呢就熟啊啦。啊卜食安呢呼,毋才會方便,這款鼎。」伊講:「哦~啊,這寶鼎著來賣我,呼,著來賣我才彼號啊。」呼,伊講:「用e7啦!我呼,我這寶鼎我曷甘賣。」伊講:「無要緊啦!」哦~邱罔舍伊講:「我呼,差不擱二外月呼,就偎年彼啦,就是我做生日啦,啊我卜請二、三十塊桌,啊就有需要一腳寶鼎通來煮,啊才彼號安呢啦。」哦~伊講:「安呢、安呢好啦!你、你少爺你若甲卜彼號、這个著愛較濟錢我才卜賣,無我毋賣。」哦~啊伊講:「啊卜偌濟啊?」伊講:「啊卜偌濟啊?」伊講:「這著愛一千兩銀啦,呼,一千兩銀才賣。」抑無伊講:「較少敢毋?」伊講:「無啦!」哦~啊彼罔舍就uan5 a2a3、憨a3呼,啊伊講:「好!」一千兩銀就共承認,啊就共買轉來。

哦~買倒來的時啊呼,伊轉去伊卜做生日就緊出去,放帖你知?呼,就放帖去予親成五十,安呢放講,伊某某當時呼,卜做生日,啊逐个才來予請安呢。啊但是卜請的時啊,我有一个特殊e7,我有一腳寶鼎,予您一生攏毋捌看,呼,有這腳寶鼎,通安呢、安呢予您開眼界呢啦。哦~啊就逐个呼,到彼日日子到,啊就來予請安呢啦。哦~予請的時,這个邱罔舍就一寡菜啦、豬肉啦、魚啦呼,安呢切切予好勢安呢啦呼。啊已經日頭卜暗啦,哦~啊就看無得火薰啦,亦無得起竈啥安呢呼,得號做的時,卜攢卜請人啦安呢。啊逐个講,彼的人客彼才講:「啊啊啊少爺!少爺!你、你安呢日頭卜暗啊呼,安若猶無卜煮啦。」伊講:「我這腳寶鼎得煮啦,毋免啦!您若卜食,我就現撓現有通予您食安呢啦,現煮現有通予您食安呢啦。」哦~啊逐个就安呢毋知影、毋知影就擱予騙去啊,呼,就戇仔彼號,當日頭卜暗啊,當無來開桌哦。哦~啊這个罔舍伊講:「抑無請您逐个坐位哦呼,啊我菜卜出來啊。」哦~哇第一的是一个肉,倒落彼口鼎安呢啦,炒來炒去撓來撓去的時,煞攏生的啦,無影啦,煞去予這白賊七仔騙去啦。哦~當逐个就講:「啊當這予白賊七仔騙去的這無彼號啦呼。」當這个邱罔舍就足生氣講:「好!好!我明仔載若無來伊算賬無用e3,卜尋伊算賬安呢。予騙錢擱無要緊,講害我面子,予我安呢聘請害餓,啊予彼人客安呢、安呢,逐个安呢、安呢「看囝仔拍矸轆」安呢啦呼,「看(餓〉」。

哦~啊當、當伊就去、隔天光,伊就卜尋這个白賊七仔算賬。哦~哇啊當、當白賊七仔伊就知影你知?知影講我共人所騙的呼,是uan5 a2毋著啦,啊今也明仔載這个邱罔舍呼,會來共我算賬安呢啦,啊就合這某呼,安呢套好好。彼某號做阿花仔啦,呼,這个罔舍某號做阿花仔。講:「我呼,明仔載啊呼,今也來呼,啊你彼腳鼎呼,你就講舉毋著去,啊咱這个戶碇頭,呼,咱這个門頭,創一个石頭,大箍石頭,啊你今也來到遮才假跋倒,呼。」叫某講:「你假跋倒,啊就這口cuan9仔;對彼粒石頭落去,予彼寶鼎安呢破去,啊我才來,擱來我才處理。」安呢啦呼。

hoo2~啊隔日,這个邱罔舍就uan5 a2人來你知?彼人來啦。來的時啊,卜合伊算賬安呢,hoo2~去的時,這个邱罔舍就來惡pe5 pe5安呢啦,伊講:「你今仔日共我騙錢去無要緊,啊害我安呢彼騙彼人客來,『看囝仔拍矸轆安呢-看餓』,看餓去安呢,予今仔日攏無面子,我今仔日無來合你算賬cit4用咧。」安呢啦,啊這个白賊七仔講:「阿花仔!」呼,某講:「啥物啊!」伊講:「你彼工的時啊呼,彼腳寶鼎你是提安怎樣?」啊伊講:「啊~安呢成歹勢!罔舍安呢我呼,先番呼,提毋著口予你啦,就是這口才正的啦,才寶鼎安呢啦。就赫濟口佇彼,啊我就恟恟毋著去安呢啦。」啊來到彼,才用一粒彼石頭仔講佇彼,才佇得跋倒,啊共彼口鼎共摔落去、彼石頭仔cuan9仔破去啊。哦~破去這个白賊七仔就成生氣啦,哦~足生氣e3,安呢就某講:「今仔安呢你予這个罔舍安呢無面子,啊今仔提這腳寶鼎來擱共我挵破,我今仔安呢那會放你干休啊!」哦~就舉一支棍仔,呼,一支棍仔呼,伊就一支彼大棍啊呼,一漆烏的啦,啊一爿漆紅的啦,呼,就舉彼支烏的時啊呼,共對頭殼,共伊這个某呼,這个阿花仔共落,一下共摃落安呢啦。啊摃一下呼,伊就逐个套摹好好咧講:「我今也摃落,就用這个烏的摃落,你著愛假死啊,愛倒咧啊,倒得phi7 phi7,安呢彼號;啊我若擱摃第二下啊呼,你才起來安呢啦,才精神起來安呢啦」hoo2~,這个白賊七仔就用彼支彼號做「陰陽生死棍」啦,彼支這个烏的就是陰啦,紅的就是陽的啦,用彼陰陽生死棍來共對某的頭殼就共摃落你知?啊摃落彼阿花仔就假倒落,啊倒土腳phinn7 phenn7。哦~啊這个邱罔舍呼,伊是講看這个七仔毋呼,哦~啊安呢真憤怒安呢,安呢拍某拍到安呢應該安呢拍一下安呢倒咧,假的啦,伊彼套摹仔假到phi7 phi7掣安呢啦。伊講:「啊這、七仔!七仔!當這那會安爾?今仔日這是彼號寶鼎的代誌小事,啊你今仔日那會對您牽手的安爾共拍到安爾、安爾赫彼號?」伊講:「伊這攏無彼號、無我共少警戒一下呼,彼號安呢。安呢彼日安呢害你安呢聘請害誤安呢呼,啊予你足無面子安呢啦。」哦~啊這罔舍講:「當啦!當是安怎當看伊這當陣彼號?」伊講:「無要緊啦!我這支就是號做陰陽生死棍,若這支烏的啊共摃落呼,伊就成實會死去;若紅的擱共摃落呼,伊就擱回陽倒轉來安呢啦。」伊講:「當彼赫久啊,我擱共摃一下彼號看咧安呢。」啊伊就用彼號紅頭的共摃落,啊伊就套好好cuan9起來啊,啊就無代誌。哦~啊這个罔舍伊安呢呼,就感覺講:「嘿~這支真好咧!嘿~!」伊講:「七仔!七仔!安呢你這支著來賣我。」伊講:「我曷甘賣你!這支就是阮祖公得做統兵馬大元帥呼,這个兵士若無服從啊,阮、聽得講攏用這支得共警戒啊,抑無逐个才卜聽,抑無赫濟人伊若合你反抗,你卜那會彼號?啊就是這支寶貝呼,寶棍安呢,得教示彼的兵士安呢啦呼。」伊講:「啊,當彼號這支就無論安怎來我。」伊才共講,伊講:「我呼,若逐擺人卜落彼鄉村收租啦,田庄彼收租的時啊,我一个田佃號做阿福仔,逐年都欠租啦,攏毋還,攏毋還啦。啊我今也呼,有買這支、這个陰陽生死棍,我就來共警戒,呼,就來共修理理e3,警戒予拍予彼金爍爍安呢啦。」伊講:「哦~啊甲你七仔你、會共罔舍你有這田佃呼,合你得反抗安爾啦,好啦,抑無賣你啦。」伊講:「這支著愛一千二百兩銀我才卜哦,抑無彼號。」哦~啊伊就講:「好!我一千二百兩銀uan5a2賣你!」cuan9仔uan5 a2共買倒來你知?

買倒來的時,hoo2~這个罔舍呼,想講:「使您khah4!當這个毋知會用e3用e3咧,毋知有見效抑無見效安呢啦。」舉彼支安呢那行那弄啦呼,安呢那行那弄,弄到到半路的時,有抵仔有一隻狗啦,一隻烏狗公呼,看彼罔舍舉彼支安呢得弄,狗直直吠直直吠安呢啦,直直偎來安呢啦。哦~伊就舉彼支彼彼支陰陽生死棍彼支共弄,弄彼支狗的時啊,煞直直chinn5偎來啦。伊就安呢烏的彼頭共摃落去,彼隻狗就彼鼻疼,煞cuan9仔倒落去,cuan9仔若干若昏去安呢啦呼。哦~啊這罔舍:「eh4!這支擱有影成實好用啊,嘿~安呢安呢好用!」安呢就成歡喜,安呢,hoo2~伊講:「好!好!安呢我明仔載一定卜透早就卜來鄉村來收租,啊舉這支拍彼个阿福仔。」哦~啊當講:「好啦!」啊彼隻狗呼,是講:「好啦,你就牲生曉e3啦呼,我用這,這陽棍啦呼,」紅頭的擱對彼隻狗的尻脊骿安呢共摃一下彼隻狗掣一下,彼隻狗cuan9仔走去。啊伊是講:「安呢的時啊,哦~啊這支陰陽生死棍是成實有影好用,安呢厲害。」

hoo2~明仔載的時啊,透早就是講卜去鄉村彼田庄去收租啊啦。伊頭工的時呼,就對這个阿福仔兜去啦,哦~啊去的時啊,這个阿福仔這个呼,就講:「哦~啊,頭家a3,我今年呼,毋過uan5 a2收成呢,啊無彼號。」哦~啊這罔舍講:「若往擺予你會用e3,這擺啊啦,哦~你先擺來攏惡pe5pe5安呢彼號卜合我相拍,這回你若狡獪 我就共你修理,拍予你金爍爍。」安呢,伊講:「啊就無,就無就歹冬啊就割無稻呼,啊你、啊粟仔就、若干若講減收成,啊這就逐个亦毋是爾我安呢啦。」hoo2~這个罔舍伊就氣到ter3啊時啊,cuan9仔對這个阿福、伊彼田佃,對彼頭殼cuan9仔成實共揭落,共摃予落去。摃一下時啊呼,當這个、這个阿福仔時啊,煞若干若講頭殼,若干若講腦震盪,呼,啊煞倒去。啊倒去這个阿福仔這太太來啦,伊講:「啊~啊頭家a3,你逐往擺都攏予阮這頭家會安呢,啊這回那會安呢,無彼號安呢。」伊講:「我這回呼,就是刁工呼,舉這支呼卜來對付您彼號你頭家呼。若每年若來攏、攏租攏無納,無清,啊這回啊來啊,是擱安呢啦,呼,號做的時啊,我所以刁工卜來共警戒。」安呢啦。呼啊伊講:「你是彼號安呢,當是安怎安呢彼號?」伊講:「我這支就是號做陰陽生死棍啦,我這共用、今也是用這支烏的呼,這頭烏的共摃一下cuan9仔倒落去,呼,昏去a3,我今也擱來用這支陽棍擱共摃一下伊就會擱活起來。」呼,啊當彼號某講:「好啦!好啦!頭家啊當你較彼號,當阮頭家就倒土腳,就倒赫久a3,你麼緊擱共阮擱摃一下,呼,予精神起來。」呀摃一下的時,擱煞變做講,摃對鼻e0落啦,呼,對這鼻e0,煞無死,煞流鼻血呼,摃一下鼻血雙鼻血得倒,煞血安呢一下流,流到這个煞後a3煞予這个罔舍拍死,去予拍死摃死。啊當戇膽拍死人啊安爾,啊就報警啊官廳就來,呼,掠這个邱罔舍去拘留,去關啊。

關差不多三年啦,定三安呢啦,戇膽拍死人。啊這白賊七仔呼,伊cuan9仔走,cuan9走路啊。啊走路的時啊呼,伊就是安呢,講起來啊呼,uan5 a2是號做白賊七仔騙去啦,去予伊騙去安呢啦。啊關三年已經到,這个罔舍就uan5 a2足毋甘願啦,講:「我錢安呢了無要緊,擱予我安呢騙人呼,騙這支棍去拍死人安呢,啊煞關三年安呢,我若無尋伊算賬麼用e0。」啊就、伊彼就派一寡彼家丁啦呼,伊彼好額人有彼家丁,煞卜去尋,去局間去予尋著啦。白賊七仔毋,佇咧局間uan5 a2簙局毋,啊就擱去予這邱罔舍這共掠來啦。啊掠來的時啊,hoo2~邱罔舍cuan9仔用一腳布袋cuan9仔對這白賊七仔呼,cuan9仔共起來,囊起來的時啊,啊才擱吊彼樹仔尾溜彼啦,樹仔彼,用索仔共吊起來安呢,吊三暝三日啦。

三暝三日,當這白賊七仔講:「啊!差不多愛死啊!這回無可能通、通彼號啦,愛死啊安呢。」感覺講、覺悟愛死啊安呢。抵仔遠遠看著一个人來啦,彼个人是曲痀啦,呼,曲痀啦。哦~來的時啊呼,這个曲痀啦呼,cuan9樹仔cuan9仔歇腳佇得看,講:「啊你是人,抑是彼號,抑是牲生抑是狗。」安呢啦,伊講:「啊~曲痀兄!我是人啦!」呼,伊講:「你那會去予人吊遮?」伊講:「我本來就是合你仝款啦,安呢曲痀啦,啊我就是講呼,有聽人得共我講啦,講我這曲痀啦呼,講若安爾,安呢若彼號落來呼,這曲痀──伊就安呢予人用布袋安呢吊咧毋──講安呢頓一下講曲痀會好啦。」哦~啊這曲痀兄就感覺講:「hnnh4,啊我若甲少許頓一下安呢若會直,安呢麼好啊!」就是有彼號,啊這曲痀兄就uan5 a2去予騙去啦。伊講:「啊你有法度通」伊講:「有啦,我共你敨看覓e3。」安呢啦。啊伊敨、敨索仔的時,啊彼曲痀的uan5 a2人老,較無力毋,伊彼共敨、敨索仔忽然間cuan9仔溜落來,cuan9仔彼號,頓一下講:「哎喲,安呢我會死哦!」安呢啦,就安呢艱苦安呢。哦~啊伊會死的時,頓落啊彼个伊就,伊本來伊無曲痀啊,呼,就安呢直去安呢啦,呼。啊直去伊就彼曲痀的就索仔共放開伊講:「哦~我頓一下安呢疼是疼呼,」哦煞安呢這个曲痀煞直去啊。」啊這个曲痀的是講:「e5~安呢我有效安呢,我看我著來予你彼號看覓e0哦。」安呢啦。哦~啊這个白賊七仔就安呢講:「你若愛安呢好,我共你縛咧,擱共你吊面頂安呢,換人安呢。」

哇~這个邱罔舍來啊呼,就按算講卜予死e3啦,伊毋共敨索仔,用彼刀呼,共割斷啦。割斷的時,這曲痀講,頓一下講:「哎喲,我會死哦!我會死哦!」安呢啦。啊這个邱罔舍叫是這个白賊七仔啦,伊講:「啊就卜予你死毋,敢講卜予你活?」cuan9仔共叫伊彼家童呼,彼家丁呼,cuan9仔擱共落海死呀,共這个曲痀的落海啦,伊叫是白賊七仔咧,卜共填落海死啦。

哦~啊填落海死的時,這隔日,邱罔舍就若干若講卜來尋這个白賊七仔這个某阿花仔,呼,伊有、uan5 a2大概有彼曖昧佇咧,伊是講:「我若害死這白賊七仔,某就予我霸佔啊。」這个邱罔舍uan5 a2有彼款心理。哦,隔天光就卜去尋某啦,呼。某的時,hoo2~,白賊七仔呼,煞穿西裝啦,以前就毋捌穿西裝,彼日講穿西裝啊坐彼椅仔擱蹺腳撚嘴鬚,啊擱得食薰,擱得烞薰。enn5~?這邱罔舍入去家已摸頭殼:「m5~我昨昏就這个、彼个七仔,我就共掠去掞落海安呢,今仔日那會猶活跳跳佇彼安呢,那會彼號?Hoo2~啊彼種、ennh4、enne4!啊七仔!七仔!我昨昏敢是共你填落海,啊你那會擱活起來?」伊講:「我那會死?哦~我你共我填落海好a3你知?」伊講:「安怎好?」伊講:「我去彼海龍王彼呼,伊彼查某子看我真啊,真緣投啊,啊就叫我著予作駙馬你知?哦~我昨昏予海龍王招親呢,予查某子招親,啊作駙馬,啊講今仔日呼,刁工講卜予我轉來作客,卜予我轉來彳亍安呢啦。」邱罔舍:「enn5~?」講:「啊敢有影彼款代誌?」講:「那會無影?無你共我沉落海,啊我應該是死啊,啊我那會擱倒轉來?」伊講:「nn5~安呢,啊你當時卜擱去?」呼,就這个,邱罔舍就問講:「啊你當時卜擱去?」伊講:「我彳亍二三工啊,啊我就擱來去啊。」伊講:「啊你若卜去你無麼尋我來去下一下。」伊講:「好啊!但是你卜去的時愛準備哦。」伊講:「卜準備啥?」講:「你著準備一腳柴捅啦,呼,啊一腳這个號做彼柴桶,呼;一粒彼鐵啦,啊一支柴槌安呢啦。」哦~啊伊講:「啊你才攢彼彼海仔邊彼啦,呼,囥彼海邊──若干若講,像咱梧棲港這海邊遮──你才擱攢住彼,啊我呼,明仔載八點呼,啊就合你來去。啊你準備一下,擱三工我就合你來去。」

哦~這邱罔舍憨憨安呢,就去攢彼的物件,啊就講卜海龍王彼彳亍。Hoo2~啊就去,啊成實彼時已經到,彼个日子到。伊講:「啊當、啊你這二腳柴桶卜創啥?」伊講:「你坐彼粒水缸啦。」這邱罔舍坐水缸啦,啊白賊七仔坐彼粒柴桶,啊鐵槌呼,白賊七仔;啊柴槌,柴槌予這个邱罔舍。啊伊講:「這个卜創啥?」伊講:「做彼个啦!做船仔彼安呢划。」哇啊二个就望海而去安呢就去啊。啊划到已經日頭卜,這罔舍就講:「啊七仔!七仔!啊當划到呰久囉,呼,啊那猶無看海龍王彼彼號彼龍宮佇,猶無彼號。」伊講:「我呼,來呀呼,無彼號的時呀呼,咱來呀呼,無一下共敲鐘擂鼓,伊麼毋知影通共咱開都門迎接。」你知,呼,無彼唬呼,若干若講,無敲鐘擂鼓麼。伊講:「啊咱亦無提鐘合鼓來呀?」伊講:「有啊!」伊今也白賊七仔伊就彼,彼个水缸敲一下就khng1一下,彼輝仔會khng1一下,伊講:「啊罔仔你共我摃一下覓。」啊就khoh4一下,彼柴摃落會khok4。伊講:「啊這就是鐘合鼓啊。呼,啊咱來到遮呼,無、進前無講,著愛共敲鐘一下擂鼓咧啊,啊伊毋才會知影,伊才會開都門共咱迎接。伊講:「安呢麼是有影。」hoo2~啊就二个想講:「啊好啊,啊無就晝啊呼,啊無來敲鐘擂鼓一下。」彼二个,伊鐵槌摃彼水缸,啊「khok8 khng1!Khok8 khng1!」啊khng1到彼陣:「hnnh4!啊khng1呰久那會猶無來?那猶無開猶無看?」伊講:「好啦!我創一下伊馬上就來彼號開都門迎接。」這个白賊七仔對彼水缸安呢摃一下「khng1!」,cuan9做二塊,落海底,這罔舍cuan9仔死去啊,cuan9仔落海水。Hoo2~這白賊七仔安呢啦呼,若干若講,安呢歡喜望外安呢,講:「hoo2~,我今也害死這邱罔舍,今也伊厝的財產我攏總得啊。」啊就安呢,安呢若干若講得意安呢呼,啊cuan9仔卜轉去安呢啦。Hoo2~,啊天庭看著講:「hm3,啊這个人予你擱活咧那會用e3啊?安呢彼號的時,騙人的一生,騙人的錢,猶擱霸佔人的財產,猶擱害死人命安呢彼號啊。 」啊cuan9仔起一陣風的時,對彼柴桶cuan9仔共彼號,共搖一下、共吹一下cuan9落,反輪落去,啊cuan9仔彼號,這个白賊七a3呼,cuan9仔uan5 a2死安呢啦,呼。"
邱罔舍合白賊七
標題為整理者暫擬。邱罔舍的「罔」有多種寫法,一般多做「罔」,今從俗寫。罔,本音為bong2,在此讀做bong3。舍,對有錢人家子弟的尊稱。合,音kah4,和。白賊,說謊。
音honnh4,語氣詞。
?
音e5,個。
安爾
音an2 ni1,這樣。
音khah4
好額人
音ho2 giah8 lang5,有錢人。
若干若
音na2 kan2 na2,好像是。
彼款
音hit4 khuan2,那樣。
安呢
音an2 ne1,這樣。
音kang1,天。
音in1,他的。
彳亍
音chit4 tho5 thit4 tho5,遊玩。
音tau1,家。
音m7,此處為疑問詞,不是嗎?
音cok4,很、非常。
安怎
音an2 caunn2,怎樣。
貧惰
音pin5 tuann7,懶惰。
討趁
音tho2 than3,工作賺錢。
音bo5
毋通
音m7 thang1,不可。
音khioh4
音lan2,我們。
音ka7,將。
音kap4,合在一起。
音tam3,在。
蓋落去
音kham3 lue9
綻偎去
音thinn7 uai9,縫合。
佇彼
音ti7 hia1,在那裏。
音leh4,在做什麼事情之意,其後多接動詞。
啥物貨
音siann2 mih4 her3,什麼東西。
那會
音na2 e7,怎麼會。
目睭
音bak8 ciu1,眼睛。
毋捌
音m7 pat4,不曾。
赫膨
音hiah4 phong3,那麼膨鬆。
寒人
音kuann5 lang0,天氣冷。
熱人
音luah8 lang0,天氣熱。
音gun2,我的。
音hoo7,給。
音kah4,既然。
音ah8,怎麼。
彼號
音hit4 lo7,那個。
講述者唸a7,如果。
音berh4,要。
偌濟
音gua7 cue7,多少。
傷少
音siunn1 cioh8,太少。
音bue7,此為疑問詞。不會嗎?
一屑仔
音cit8 sut4 a2,一點點。
淡薄仔
音tam7 poh8 a2,一點點。
成實
音siann5 sit8,真的。
uan5 a2
也是。
音pai2,次。
一寡
音cit8 kua2,一些。
彼的
音hia1 e0,那些。
音pian2,騙。
音ciah8,吃。
inn5仔角枝
講述者指此為屋頂下的樑柱,以前的人常將東西懸吊在此。
音chong3,做。
抑無
音ah4 bo5,不然。
法度
辦法。
那會使
怎麼可以。使,音sai3
音la7,攪動。
音ko3
偎年
年終。偎,音ua2
著愛
音tioh8 ai3,必須。
音mai3,不要。
音bong3,散漫、馬虎、不經心。
音kham2,傻。
親成五十
音chin1 ciann5 goo7 cap8,親朋好友。
當時
何時。當,音tang1
逐?
音tak8 e5,大家。
音chuan5,準備。
好勢
妥當。
音tann1,發語詞,無義。
音ah8,也。
火薰
炊煙。薰,音hun1
安若
音an2 na2,怎麼。
猶無
音iah4 bo5,還沒有。
音gong7,傻。
明仔載
音bin5 a2 cai3,明天。
音cher7
拍矸轆
音phah4 kan1 lok8,打陀螺。
講述者唸go7,轉動。
今也
音cim2 a2,現在。
罔舍
此處講述者一時口誤,應該是「白賊七某」,而非邱罔舍某。
音gia5
戶碇頭
門檻。碇,音tieng7
音cia1,這裏。
大箍
大塊。箍,音khoo1
跋倒
音puah8 to2,跌倒。
cuan9仔;
「自安呢」的連讀,就這樣。
音tng3,用鈍力搥打。
音chua7,帶領。
惡pe5 pe5
形容蠻橫的樣子。惡,音ook4
今仔日
音kin1 a2 jit8,今天。
音theh8,拿。
歹勢
音phainn2 se3,不好意思。
先番
音sieng1 huan1,前次。
恟恟
音hiong5 hiong5,突然。
音sa1,拿。
音kiann5,走。
音khng3,放置。
音ook4,對某人惡言相向,在此意含教訓的味道。
?
音long3,撞擊。
音pieng5,邊。
音kong3,打、擊。
套摹
音tho3 bio5,套招。
phi7 phi7
抖個不停的樣子。掣,音chuan4,顫抖。
音peh4,爬。
精神
清醒。
phinn7 phenn7
形容很喘的樣子。
代誌
事情。
這當陣
音cit4 tang1 cun7,這時候。
音bai7,有嘗試看看的意思。
音puah4,挪給。
逐擺
音tak8 pai2,每次。
田佃
音chan5 tian7,佃戶。
金爍爍
原意為金光閃爍的樣子,在此形容被打得很慘的樣子。爍,音sih4
使您khah4
罵人的粗話。使,音sai2
音iah4,或。
那行那弄
音na2 kiann5 na2 lang7,一邊走一邊玩弄。
抵仔
音tu2 a2,剛好。
音liok4,追逐。
chinn5
靠近。
牲生
音cieng1 sinn1,畜牲。
音kueh8,截。
尻脊骿
音kha1 chiah4 phiann1,背部。
音bai2,不好。
往擺
音ieng2 pai2,以前。
狡獪
音kau2 kuai3
歹冬
音phainn2 tang1,收成不好。
粟仔
音chiek4 a2,稻子。
到ter3
到。
揭落
音khiat4 loh8,打擊下去。
音gong5,頭暈目眩。
刁工
音thiau1 kang1,故意。
單位詞,此處用來計算鼻血,從一個鼻孔所流出來的一股鼻血用「一港」來計算。
音chia1,堆。
音liah8,捉拿。
走路
音cau2 loo7,逃亡。
局間
音kiau2 kieng1,賭場。
簙局
賭博。簙,音puah8
音long5,將東西裝入袋中。
樹仔尾溜
樹梢。溜,音liu1
曲痀
音khiau1 ku1,駝背。
音cang5,計樹的單位,棵。
仝款
音kang7 khuan2,相同、一樣。
音tng3,放下笨重物體時,不輕輕地放下即成「頓」。
少許
音sio2 khua2,稍微。
音khia7,站。
?支
音thau2,解開。
音pak8,綑綁。
音thiam7
音tim3,投擲。
蹺腳撚嘴鬚
以此動作來表現出一個人好整以暇、從容不迫的樣子。蹺,音khiau1,撚,音lian2,以拇指和食指搓揉。
烞薰
音pok4 hun1,抽煙。
昨昏
音cah8 hng1,昨天。
音gua7,多麼。
音sui2,漂亮。
緣投
音ian5 tau5,英俊。
當時
何時。當,音tang1
音tui5
音sio2,稍微。
物件
音mngh8 kiann7,東西。
講述者唸giah8,拿。
音ko3
音tau3,中午。
音to2,哪裏。
敲鐘擂鼓
音khau1 ciong1 lui5 koo2
音kha3
輝仔
音hui5 a2,瓷器。
進前
之前、先前。前,音cieng5
音pit4,裂開。
音tim5
音pieng2,翻轉過來。
輪落去
音lin3 lue9,滾下去。


●資料出處:參見《台中縣民間文學集23--梧棲鎮閩南語故事集(一)》頁176-210