講述者：張連枝    採錄者：林培雅、許瓊嬰、王盈文、鍾怡容、賴素慧、鄭渼蓁    整理者：林培雅    採錄時間：2001-07-27    採錄地點：麻豆鎮海埔池王府    採錄地點校訂：麻豆鎮海埔里池王府          補充說明：無    地圖座標：X 120.2181   Y 23.20641    地理位置精確度：5

池王平池王，是無像，這身是玉勅 e0，啊別迹池王是李世民勅e0，李世民去遊地府，去佇地府勅e0。伊勅這李、池、吳三身爾，三个是三百六十進士，伊得管彼三百六十進士，呀是張天師試寶劍，去予張天師試劍共劍殺死，刣死。彼是李世民開一个地巷，啊教彼三百六十進士去佇彼地巷內底裏，啊土掩咧，啊創一个會喘氣e0，啊張天師是足厲害e0，啊叫張天師卜來看這个、叫張天師來，講，李世民將仔問講：「這是陰？抑是陽？」張天師看看e0講：「這是陽，毋是陰。」呀彼个李世民就講：「這陰，毋是陽。」伊講：「這明明陽。」講：「若是陽，我這把鹽米摔去伊就恬。」予摔一把鹽米去，三百六十進士恬恬。呀伊將仔安呢去，去呀李世民才擱入去彼个地巷入去，問講：「呀您呔會無得講話？」講：「hio3，啊毋知會歸群將仔恬去。」呼，啊今也講：「您擱佇內底笑一下。」呼，啊才擱叫張天師來，張天師來共伊講：「明明講這是陰，抑無呔會擱得笑？」李世民講：「這是陰！」呼，啊張天師講：「這是陽，毋是陰！」啊李世民講卜共tu5哩，共tu5講：「你卜tu5哦？好！卜tu5我共你tu5！」呀伊這張天師是足厲害，呀伊提一支寶劍講：「您遮卜尋就尋李世民，毋通尋我，共我無干！伊是合我tu5 e0。」寶劍抽咧，土入去鑽，喝：「殺！」才鑽落，三百六十進士的頭斷去。啊三百六十進士毋才落地府去佇遐得叫冤，啊才來尋李世民，李世民佇遐無法度啦，毋才落地府裏，落地府去解決這三百六十進士，呼，才去毋才三个，麻豆彼三身李、池、吳，無三身爾頭仔得辦事請來遮都攏三身爾，呀范王，李、池、吳、朱、范，這續尾手才擱創e0，無我做囝仔請來攏三身爾，啊今變五身？

池王爺的由來 標題為整理者暫擬。 無像 音bo5 siang7，不同。 身 音sin1，計算偶像的單位。 勅 音thiek4，勅封。 迹 音jiah4，處、地方。 佇 音ti7，在什麼地方之意。 爾 音nia5，而已。 个 音e5，個。 得 音leh4，在做什麼事情之意。 彼 音hit4，代名詞，那。有時也唸成he1。 予 音hoo7，給。 共 音ka7，被、給。 刣 音thai5，殺。 掩 音am1。 創 音chong3，弄。 足 音cok4，很、非常。 卜 音beh4，要。 將仔 「將安呢（音ciong1 an2 ne1）」的連音，就這樣、於是。 抑 音ah4，或。 毋 音m7，不。 若 音na7，如果。 摔 音siak4，將東西用力甩出。 恬 音tiam7，安靜。 您 音lin2，你們。 呔 音thai3，反問的語氣，怎麼。 呼 音honnh4，語氣詞，表停頓。 今也 音cim2 a2，現在。 抑無 音iah4 bo5，不然、否則。 tu5 硬拗。 提 音theh8，拿。 遮 音cia1，這裏。 尋 音chue7。 共 音kang7，和、與。 合 音kah4，和、與。 喝 音huah4，大喊。 遐 音hia1，那裏。 無法度 音bo5 huat4 too7，沒辦法。 音chua7，帶。 音in1，他們。 續尾手 音sua3 bue2 chiu2，後來、之後。 做囝仔 小時候。囝，音gin2。 今 音cin2，現在。