講述者：劉天付    採錄者：劉天付    整理者：林培雅    採錄時間：1998-09-24    採錄地點：鳳山市（白龍庵）    採錄地點校訂：無誤          補充說明：位於高雄縣鳳山市和德里14鄰立志街34號    地圖座標：X 120.3567   Y 22.62242    地理位置精確度：4

我今也擱講一个，原住民阿里山。伊遐的酋規啊，是講，若這个原住民若七十歲啊，就變無路用人啊，啊無路用人卜安怎，伊彼規則是講，若七十歲，著愛去山內，去予虎合熊食安爾就著安爾。所以彼庄啊，這个庄內攏無上七十歲的人，若並七十歲，著愛共負去，背去深山內予熊予虎咬，予食安爾啦。 有一工這个酋長，伊已經亦變七十啊，當七十的時，伊的酋規就是講，七十歲著愛負去予虎咬安爾。啊庄的人啊，過去安爾，含少年仔負老的去啊，二个攏無轉來，這个是成濟安爾就著啦。啊這款規則的時呼，這个酋長家己un5 na2得煩惱，講伊已經七十歲啊，但是明仔載伊這个後生啊，得卜共負去山頂，卜hia2擱啊安爾。好noo3，伊的規則就安爾呀當安爾。隔明仔載這个後生，就un5 na2共負這个酋長，啊就卜去深山內，卜去hia2擱安爾。 這个後生共負，直直行、直直行，行到彼个山內啊，這个酋長伊就遏這个樹根，遏樹葉仔。負到遐，伊樹葉仔遏到遐安爾就著安爾啦。遏到遐的時，這个後生住遮喘啦，講歇一睏佇遐，伊才問、後生講：「爸爸！爸爸！啊你呔會我得負的時，你攏遏樹葉仔？」伊講：「著啦，我若無遏樹葉仔呼，你當轉去啦。咱彼个庄的人已經亦蓋濟人呼，負老父老母，來這个深山內，二个攏當轉去就著啦，你就毋知路通轉去，所以我攏遏樹葉仔。你今也卜轉去呼，你共我放落去bua9緊，我予虎去咬。但是你卜轉去，你照遏這个樹葉仔遏的路你轉去安爾，行轉去就著安爾。」哇～這个酋長的後生，抵仔想講：「hm2～，含一个得卜死的人，伊亦得驚講這个後生當轉去安爾，「啊這款法律、這款規則，無合理啊。」所以才這个老父才擱共負倒轉來。 負轉來才宣導，講：「咱庄的這个酋規啊，這个七十歲卜予虎咬，這卜負去hia2擱這个啊，共廢止就著。」安爾啦，所以自彼工起啊，這个原住民這个規則啊，若像講，七十歲毋免去山頂予虎咬啦就著安爾，會當自由安爾，住厝裏生活到老安爾。

七十歲予虎食 標題為整理者暫擬。 今也 音cim2 a2，現在。 个 音e5，個。 遐 音hia1，那裏。 酋 音iu5。 若 音na7，如果。 音in1，他們。 無路用 沒有用。 卜安怎 音beh4 an2 cuann2，要怎麼辦。 音chua7，帶。 予 音hoo7，給。 合 音kah4，和、與。 食 音ciah8，吃。 安爾 音an2 ni1，相當於口語的「這樣」。 上 音ciunn7。 並 pieng7，齊、平。 共 音ka7。 負 音ainn7，背。 咬 音ka7。 工 音kang1，天。 亦 音ah8，也。 當 音tang1，發語詞，無意義。 含 音ham5，和、與。 成濟 音ciann5 ce7，很多。 這款 音cit4 khuan2，這種。 家己 音ka1 ti7，自己。 un5 na2 仍然、也是。 得 音leh4，在做什麼事情之意。 明仔載 音bin5 a2 cai3，明天。 後生 音hau3 sinn1，兒子。 得卜 音tit4 beh4，將要。 hia2擱 丟掉。，音hainn3。擱，音kak8。 擱 音kak8。 行 音kiann5，走。 遏 音at4，折斷。 遮 音cia1，這裏。 歇一睏 音hioh4 jit8 khun3，休息一下。 佇 音ti7，在什麼地方之意。 呔會 音thai3 e7，反問的語氣，怎麼會？ 當 音be7 tang3，不能。 咱 音lan2，我們。 蓋濟 音kai3 ce7，很多。 通 音thang1，可以。 bua9緊 「無要緊（音bo5 iau3 kin2）」的連讀，不要緊、沒關係。 抵仔 音tu2 a2，剛好。